Back Kasacoelisan to’edip AMI تروبوسفير Arabic Troposfer Azerbaijani Трапасфера Byelorussian Тропосфера Bulgarian ट्रोपोस्फियर Bihari ট্রপোমণ্ডল Bengali/Bangla འཐབ་རྒྱུག་རིམ། Tibetan Troposfera BS Troposfera Catalan
Die troposfeer is die laagste laag van die Aarde se atmosfeer en die een waarin byna al die weerstoestande plaasvind. Dit bevat 75% van die atmosfeer se massa en 99% van die totale massa van die waterdamp en aërosols.[1] Die gemiddelde hoogte van die troposfeer is 13 km – dit is 18 km in die trope, 17 km by die middelste breedtegrade en in die winter 6 km in die poolstreke.
Die laagste deel van die troposfeer, waar wrywing met die Aarde se oppervlak lugvloei beïnvloed, is die planeet se grenslaag. Dit is gewoonlik ’n paar honderd meter tot 2 km diep, na gelang van die landvorm en tyd van die dag. Bo die troposfeer is die tropopouse, wat die grens tussen tropo- en stratosfeer is. Die tropopouse is ’n inversielaag, waar die lug se temperatuur ophou om met die hoogte af te neem en dus konstant deur die hele laag bly.[2]
Die woord "troposfeer" is afgelei van die Griekse tropos ("draai, omkeer, verander") en sphere.